Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Азнакай районы Сәпәй авылы буасында яңгырлар аркасында су дәрәҗәсе күтәрелгән
Татарстанның Азнакай районы Сәпәй авылы буасында озакка сузылган яңгырлар аркасында су дәрәҗәсе нык күтәрелгән, нәтиҗәдә дамбада «катлаулы хәлләр барлыкка килгән». Бу хакта муниципалитет башлыгы Марсель Шәйдуллин «ВКонтакте» социаль челтәрендә хәбәр итте.
«Озакка сузылган яңгырлар аркасында Сәпәй буасындагы су гадәттәгедән югарырак күтәрелде, һәм Сәпәй уртасындагы дамбада хәлләр катлауланды», - дип язды район башлыгы.
Шәйдуллин сүзләренчә, җирле нефтьчеләр «оператив рәвештә кушылганнар һәм техник яктан ярдәм иткәннәр». Хәзер урында барлык профильле хезмәтләр һәм гадәттән тыш хәлләр министрлыгы вәкилләре эшли.
Тәүлек буе мониторинг оештырылган, су басу нәтиҗәләрен бетерү буенча эшләр алып барыла. «Барлык процесслар контрольдә», - дип йомгаклады муниципалитет җитәкчесе.
Кызыклы яңалыкларны күзәтеп бару өчен Телеграм-каналга язылыгыз