news_header_top_970_100
news_header_bot_970_100

Азат Хамаев Татарстан авыл хуҗалыгы министры урынбасары Дмитрий Яшинны тәнкыйтьләде

Азат Хамаев Татарстан авыл хуҗалыгы министры урынбасары Дмитрий Яшинны тәнкыйтьләде
Салават Камалетдинов

Татарстан Дәүләт Советының Экология, табигатьтән файдалану, агросәнәгать һәм азык-төлек сәясәте комитеты рәисе Азат Хамаев комитет утырышында Татарстан авыл хуҗалыгы министры урынбасары Дмитрий Яшинны тәнкыйтьләде.

Бүген Лаеш районы Нармонка авылында ТР Дәүләт Советы рәисе урынбасары Марат Әхмәтов җитәкчелегендә Дәүләт Советының Экология, табигатьтән файдалану, агросәнәгать һәм азык-төлек сәясәте комитеты утырышы узды.

Утырышта Дмитрий Яшин Татарстанда мелиорация системасын үстерү темасына чыгыш ясады. Ул доклад өчен унбиш минут бирелгән вакытның яртысын кулланып, кыскача гына сөйләде. Депутатлар аңа өстәмә сораулар бирде. Сорауларның күбесенә министр урынбасары белешмә әзерләргә вәгъдә итте.

Озак еллар министр булып эшләгән депутат Азат Хамаев чыгыш ясаучыдан ризасызлыгын белдерде.

«Ничә ел депутат булып эшлим, комитет утырышына шушындый доклад ясаган кешенең булганы юк. Сез ничек әзерләнгәнсездер, белмим. Комитет утырышына болай әзерләнмиләр. Сезнең министрлыкның эшчәнлеген күрсәткән, вәзгыятькә анализ ясалган 10-15 минутлык докладыгыз булырга тиеш иде. Сез нәрсә, бүген генә дөньяга килдегезме? Мин озак еллар министр булып эшләдем. Әгәр белгеч минем янга мондый әзерлек белән керсә, аның белән озак эшли алмас идем», - диде Азат Хамаев.

Марат Әхмәтов тәнкыйть белән килеште. Шул ук вакытта ул Дмитрий Яшинның әлеге вазифада ярты ел гына эшләгәнен исәпкә алырга тәкъдим итте һәм комитет утырышына башка әзерлексез килмәс дигән өметен белдерде.

news_right_column_1_240_400
news_right_column_2_240_400
news_bot_970_100