Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Азат Кадыйров тавыш бирүче беләзеге белән метрода бушлай йөрү мөмкинлеген тикшерде
Татарстан яшьләр эшләре министры Азат Кадыйров тавыш бирүдән соң бирелә торган беләзек белән метрода бушлай йөрү мөмкинлеген тикшергән. Турникет янында ул метро хезмәткәренә «Мин тавыш бирдем» беләзеген күрсәтә – тикшерүдән соң министрны бушлай кертәләр, дип хәбәр итә Татарстан Республикасы Яшьләр эшләре министрлыгы матбугат хезмәте.
«Беләзек Казанның җәмәгать транспортында – метрода, автобусларда, трамвайларда һәм троллейбусларда бушлай йөрү хокукын бирә. Бу мөмкинлектән ничек файдаланырга дигән сораулар калмасын өчен, моны шәхсән тикшерергә булдым. Метро хезмәткәренә беләзекне күрсәтү дә җитә», - дигән Азат Кадыйров.
Беләзек белән бушлай йөрү мөмкинлеге сайлау көннәрендә – 18 сентябрьдән 20 сентябрьгә кадәр гамәлдә. Татарстанда сайлау участоклары көн саен 8:00 дән 20:00 сәгатькә кадәр эшли.
Беләзек тавыш биргәннән соң сайлау участогында бирелә. Метрода бушлай йөрү өчен аны хезмәткәргә турникет янында күрсәтергә кирәк.
Яңалыкларны күзәтеп бару өчен Макс-каналга язылыгыз