Айрат Әюпов: Аксакаллар шурасы мөфти әйтмәгән әйберләрне сөйли алучы орган
Хәзрәт Чувашия Диния нәзарәтендә Аксакаллар шурасы оештыруны тәкъдим итте.
Скопировать ссылку
(Казан, 26 июль, "Татар-информ", Зилә Мөбәрәкшина). Татарстан Республикасы мөселманнары Диния нәзарәтенең Аксакаллар шурасы рәисе Айрат хәзрәт Әюпов шураның мөфти әйтмәгән әйберләрне сөйли алучы орган булуын әйтте.
Бу хакта ул Чувашиядә узган тарихи-мәдәни комплекс мисалында җәмгыятьтә рухи һәм патриотизм формалаштыруда Чувашия Республикасындагы мөселман тарихи-мәдәни урыннарының роле турында X Бөтенроссия конференциясендә сөйләде.
“Чувашстан Диния нәзарәтендә дә Аксакаллар шурасы оештырырга кирәк. Ул шундый орган: мөфти дә, башлык та әйтә алмый торган сүзләрне, фикерләрне алар әйтә ала”, - диде ул.