Фән һәм мәгариф 15 апрель 2018 17:48

Айрат Хәйруллин “Тоталь диктант”ны татар телендә дә язарга тели

Әлмәт муниципаль районында “Тоталь диктант”ны 316 кеше язган.

Скопировать ссылку

(Казан, 15 апрель, “Татар-информ”). Әлмәт муниципаль районы башлыгы “Тоталь диктант” мәгариф акциясендә катнашты, дип хәбәр итә Әлмәт башкарма комитетының матбугат хезмәте.

Хәйруллин диктантны “Кванториум” технопаркында язган. Аңа тагын 100дән артык кеше кушылган. Алар башкарма комитет хезмәткәрләре, предприятие һәм оешма җитәкчеләре, җирле үзидарә башлыклары һәм башкалар. Район буенча “Тоталь диктант”та барлыгы 316 кеше катнашкан.

Диктант язуда катнашучыларны урам театры артистлары каршылаган. Чара төгәлләнгәч, “Лев Толстой. Как воспитать человека?” фильмы күрсәтелгән.

Текстны икенче лицейдан рус теле һәм әдәбияты укытучысы, Татарстанның атказанган укытучысы Людмила Кузнецова укыган.

“Әлеге чара һәркайсыбыз өчен яхшы тәҗрибә. Беренче чиратта, үз-үзең белән көрәш ул”, - дигән Айрат Хәйруллин. Аның фикеренчә, шундый диктантны татар телендә дә язарга мөмкин. “Ике телне дә белгән вакытта синең өчен яңа киңлекләр ачыла”, - дип билгеләп үткән ул.

#Тоталь диктант #Айрат Хәйруллин

Сәхифәләр

Айрат Хәйруллин “Тоталь диктант”ны татар телендә дә язарга тели