Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Айрат Фәррахов: “Медицина үсешенә ветераннарыбыз керткән өлеше бәһасез”
Бүген Республика клиник офтальмология хастаханәсендә сәламәтлек саклау өлкәсе ветераннарын Өлкәннәр көне белән котлау тантанасы узды
(Казан, 9 октябрь, “Татар-информ”, Ләйсән Әсәдуллина). Бүген Республика клиник офтальмология хастаханәсендә сәламәтлек саклау өлкәсе ветераннарын Өлкәннәр көне белән котлау тантанасы узды. Анда ТР сәламәтлек саклау министры Айрат Фәррахов ветераннарга үзенең рәхмәт сүзләрен җиткерде.
“Сәламәтлек саклау өлкәсе үсешенә ветераннарыбыз керткән өлеше бәһасез. Ел саен ветераннарны Өлкәннәр көне белән котлау традициягә әйләнә. Бүген сәламәтлек саклау өлкәсенең элеккеге җитәкчеләре өчен клиникада күзләрен бушлай тикшерергә, дәвалау курсын узарга мөмкинлек туды. Ветераннарыбызның күбесе – Татарстанның атказанган медицина хезмәткәрләре. Аларны без беркайчан да онытмыйбыз. Кешеләргә кылган яхшылыклары үзләренә меңләп кайтачак дип ышанабыз”, - диде министр Айрат Фәррахов журналистларга биргән әңгәмәсендә.
Бүгенге бәйрәм кысаларында 30га якын ветеран офтальмология белгечләрендә күзләрен тикшертте, күз авыруларын дәвалау буенча киңәшләр алды. Күбесендә катаракта, глаукома кебек авырулар булуы ачыкланды. Ветераннарга бер ай эчендә тиешле операция ясарга вәгъдә иттеләр. Республика клиник офтальмология хастаханәсе белән танышканнан соң ветераннарга фильм күрсәтелде. Аннары атказанган медицина хезмәткәрләре өчен бәйрәм табыны оештырылды. Анда котлау сүзләрен хастаханә идарәчеләре дә җиткерде. Киләсе елда ветераннарны котлау тантанасы Республика клиник онкология хастаханәсендә узачак дип көтелә.
Кызыклы яңалыкларны күзәтеп бару өчен Телеграм-каналга язылыгыз