news_header_top_970_100
news_header_bot_970_100

Айрат Фәррахов Мамадышта һәм Яр Чаллыда эш сәфәре кыла

Бүген Татарстан сәламәтлек саклау министры Айрат Фәррахов Мамадыш үзәк район хастаханәсе оешуга 185 ел тулуга багышланган бәйрәм чараларында катнаша

(Казан, 1 июль, “Татар-информ”). Бүген Татарстан сәламәтлек саклау министры Айрат Фәррахов Мамадыш үзәк район хастаханәсе оешуга 185 ел тулуга багышланган бәйрәм чараларында катнаша.
Кунаклар гомуми практика табибларының төзекләндерелгән бүлеген, “Таттехмедфарм” җәмгыятенә караган даруханә киоскын, ашыгыч медицина ярдәмен күрсәтүче кабул итү бүлеген, музей-китапханәне, бала тудыру бүлеген караячак дип планлаштырыла. Айрат Фәррахов хастаханә хезмәткәрләренә бүләкләр тапшырачак. Бүген шулай ук яшь белгечләргә яңа фатирлардан ачкычлар тапшыру тантанасы да уздырылачак дип көтелә.
ТР Сәламәтлек саклау министрлыгының матбугат хезмәте хәбәр иткәнчә, бүген кич министр Яр Чаллыда Ашыгыч медицина ярдәме хастаханәсен төзекләндерү мәсьәләләренә багышланган киңәшмәдә катнашачак дип уйланыла.

autoscroll_news_right_240_400_2
news_bot_970_100