Айрат Фәррахов Дума депутатлары арасында активлык рейтингында үз позициясен яхшыртты
Парламентарий рейтингта 34нче баскычны били.
(Казан, 16 июль, «Татар-информ», Динара Прокопьева). Дәүләт Думасына Татарстаннан сайланган депутат Айрат Фәррахов хезмәттәшләре арасында активлык рейтингында үз позициясен яхшыртты. Рейтинг «Депутат Клуб» сайтында дөнья күргән.
«Дәүләт Думасы депутатының активлык индексы – депутатның закон чыгарудагы активлыгы ул», - диелә рейтингка аңлатма язуында.
Фәррахов Дәүләт Думасы депутатларының активлык рейтингында 34нче баскычны били. Тикшеренүләр быелның апреленнән июльгә кадәр үткәрелгән.
Татарстаннан сайланган тагын бер депутат – Борис Менделевич – мәгълүмат чараларында телгә алыну индексы буенча 40нчы баскычта урнашкан. Әлеге рейтинг гаммәви мәгълүмат чаралары һәм мәгълүмат кырында парламентарийны күпме телгә алуларыннан чыгып төзелгән.