Айдар Метшин җитәкчеләр арасында үткәрелгән медиарейтингта өченче урынны били
Бәяләүгә шулай ук социаль челтәрләрдә халык мөрәҗәгатьләре белән эшләү нәтиҗәләре дә кергән.
(Казан, 16 июль, "Татар-информ"). Айдар Метшин Татарстан җитәкчеләре арасында медиа нәтиҗәлелек һәм эш сыйфаты рейтингында өченче урынны алды. Бу турыда Түбән Кама муниципаль районы рәсми сайтында хәбәр ителә.
Беренче урында – Татарстан мәгълүматлаштыру һәм элемтә министры Айрат Хәйруллин, икенче урында – Чаллы мэры Наил Мәһдиев.
"Промрейтинг" тикшеренүчеләре җитәкчеләрнең медиа өлкәсендәге яңа мөмкинлекләрдән ни рәвешле файдалануларын һәм аларны эш сыйфатын күтәрүдә куллануларын бәяләгән. Бәяләүгә шулай ук социаль челтәрләрдә халык мөрәҗәгатьләре белән эшләү нәтиҗәләре дә кергән.