Татар матбугаты 9 июль 2021 07:51

«Авыр туфрагың җиңел булсын» — «Безнең мирас»

Хәкимҗан Халиков урман туфрагын зур биштәргә тутырып, аркасына асып ташый, дип язган Шамил Маннапов.

Скопировать ссылку

(Казан, 9 июль, «Татар-информ», «Безнең мирас»). Мәгълүм ки, халыкка дача өчен җирнең юньлесен бирми хөкүмәт. Йә ул элеккеге карьер булыр, яки сазлык. Яисә чокыр-чакыр. Андый җирне алдыңмы инде, гомер буе туфрак ташып чиләнәсең.

Әнә, язучыларның «Весна» дип аталган дачалар җиреннән элек кирпеч заводы өчен сары балчык чыгарганнар. Хәзер инде, киресенчә, шундагы үз җиренә һәркем үзе булдыра алганча балчык-туфрак ташый.

Хәкимҗан Халиков урман туфрагын зур биштәргә тутырып, аркасына асып ташый.

Беркөнне аңа каршы Габделхәй Сабитов очрый.

— Авыр туфрагың җиңел булсын, Хәкимҗан дус! — дип «куәт бирә» ул.

Хәкимҗан маңгаендагы борчак-борчак тирне учы белән сөртә:

— Сүзең хак, кордаш. Эшләр болай барса, мондагы күп язучыга синеңчә сәлам бирергә туры килмәгәе…

Шамил Маннап

Безнең мирас. — 2021. — № 6. — 113 б.

Сәхифәләр

«Авыр туфрагың җиңел булсын» — «Безнең мирас»