news_header_top_970_100
news_header_bot_970_100

“Авылым мәчете” республикакүләм фотоконкурсы башлана

Фотолар ноябрь азагына кадәр кабул ителә

 (Казан, 16 октябрь, “Татар-информ”) 20 октябрьдән 30 ноябрьгә кадәр, Азнакай районы мөхтәсибәте сайты (aznislam.ru) “Авылым мәчете” дип аталган республикакүләм фотоконкурс уздыра. 15 декабрьгә кадәр исә aznislam.ru сайтына урнаштырылган фотоларга тавыш бирергә мөмкин булачак, 20 декабрьдә нәтиҗә ясала. Әлеге конкурста Татарстанның барлык авыл мәчетләре катнаша ала.

Бу бәйге инде беренчне генә оештырылмый. 7 октябрьдә Азнакай мөхтәсибәте уздырган “Авылым мәчете” фотоконкурсына йомгак ясалып, җиңүчеләр бүләкләнде. Жюри тарафыннан бертавыштан Кәкре Елга мәчете фотосурәте авторы Рамил Фәттахов җиңүче дип табылды. Интернет аша тавыш бирүдә беренче урында – Ришат Зәкиев (Күктәкә мәчете), икенче урында – Зөфәр Хәйбрахманов (Чалпы мәчете), өченче урында – Ранил Исламов (Татшуган мәчете).

Азнакай районы мөхтәсибәте башлангычында әлеге конкурс республика күләмендә үткәреләчәк, дип хәбәр итә ТР мөселманнары Диния нәзарәтенең матбугат хезмәте.

news_right_column_1_240_400
news_right_column_2_240_400
news_bot_970_100