Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Авылда яшәүче пенсионерлар шәһәргә күчкән очракта да пенсиягә өстәмә түләү алачак
Россия Пенсия фондының Татарстан буенча идарәсе 2022 елдагы төп биш яңалыкны атады.
(Казан, 2 март, «Татар-информ», Наталья Рыбакова). 2022 елда Россия Пенсия фондының Татарстан буенча идарәсе эшендә яңалыклар аз түгел. Аларның бишесен тәкъдим итәбез.
«Бездә яңалыклар күп, төп яңалыкларны атыйм. Банкрот дип танылган пенсионерлар пенсиядән акча тотып калудан азат ителәчәк. Икенче яңалык — пенсия алуның проактив яки алдан гариза тапшырмыйча рәсмиләштерү исемлеге киңәйтеләчәк», — дип сөйләде «Татар-информ»ның баш мөхәррире Ринат Билаловка биргән әңгәмәсендә Россия Пенсия фондының Татарстан буенча идарәсе җитәкчесе Эдуард Вафин.
«Мәшгульлек хезмәте хезмәткәрләре эштән мәхрүм калган һәм яңасын таба алмаган, шул ук вакытта аларга пенсия яшенә кадәр берничә ел калган гражданнар өчен вакытыннан алда пенсияләр билгеләү буенча тәкъдимнәрен үзләре кертергә тиеш булачак. Шул ук туендыручысын югалту буенча иминият пенсиясе алучы 80 яшькә җиткән кешеләргә пенсия белән тәэмин итүнең иң отышлы варианты сайлап алыначак. Ул — туендыручыны югалту буенча иминият пенсиясе яки картлык буенча иминият пенсиясе», — диде ул.
Спикер сүзләренчә, «тагын бер яхшы яңалык — бу елдан авыл өстәмәсен алган гражданнар шәһәргә күчкәндә аннан мәхрүм булмаячак». Киләсе яңалык пенсияләрне илтеп җиткерүгә кагыла. Пенсионер пенсиясен почтада алмаган очракта, аңа банк счетына күчерүне сорый алачак. Бу операция почта аша акча алырга теләүчеләр өчен гамәлдә була.
Кызыклы яңалыкларны күзәтеп бару өчен Телеграм-каналга язылыгыз