Авыл 1 февраль 2005 12:05

Авыл хуҗалыгы турында язучы журналистлар өчен конкурс игълан ителгән

Скопировать ссылку

(Казан, 1 февраль, "Татар-информ"). ТР Авыл хуҗалыгы һәм азык-төлек министрлыгы Татарстанның республика, шәһәр һәм район гаммәви мәгълүмат чаралары журналистлары өчен "Алгы планда авыл кешеләре" конкурсы игълан иткән. Конкурска 2004 елның 1 августыннан 2005 елның 1 апреленә кадәр басылган һәм эфирга чыккан язмалар, теле- һәм радиоматериаллар кабул ителә.

Иҗат җимешләре "Хезмәт дисциплинасы", "Авылда аграр реформалар", "Авыл хуҗалыгы өлкәсендә иң яхшы аналитик материал", "Безнең замандаш - авыл хуҗалыгы хезмәтчәне", "Иң яхшы район газетасы" номинацияләрендә бәяләнәчәк. Һәр номинациядә катнашучыларга беренче, икенче һәм өченче урын биреләчәк. Конкурста җиңүчеләргә истәлекле диплом һәм бүләкләр тапшырылачак. Гаризалар 2005 елның 4 апреленә кадәр кабул ителә.

Сәхифәләр

Авыл хуҗалыгы турында язучы журналистлар өчен конкурс игълан ителгән