Җәмгыять 2 декабрь 2009 11:43

Автошәһәрнең студентлар советы Халыкара инвалидлар көне кысаларында хәйрия акциясе үткәрә

Бу чараның максаты - физик мөмкинлекләре чикләнгән һәм акыл ягыннан зәгыйфь ятим балаларга ярдәм итү, аларның иҗади һәм социаль активлыгын күтәрү

Скопировать ссылку

(Чаллы, 2 декабрь, «Татар-информ», Евгений Сироткин). Бүген студентлар советы Халыкара инвалидлар көне кысаларында шәһәрнең балалар һәм яшьләр иҗат сараенда хәйрия акциясе үткәрә.
Оешма активистлары “Гном” кинотеатрында физик мөмкинлекләре чикләнгән һәм акыл ягыннан зәгыйфь балаларга бушлай мультфильм күрсәтәчәк. Бу чарада автошәһәрнең 89нчы, 87 нче һәм 68 коррекция мәктәбеннән 150 бала катнаша. Узган ел акция беренче тапкыр үткәрелде һәм ел саен үткәрү статусына ия булды.
Бу чараның максаты - физик мөмкинлекләре чикләнгән һәм акыл ягыннан зәгыйфь ятим балаларга ярдәм итү, аларның иҗади һәм социаль активлыгын күтәрү, һ.б., дип белдерде студентлар советы рәисе Венера Романова.
“Начало” ҖЧҖ балаларны социаль учреждениеләрдән фильм карага алып бару өчен бушлай ике автобус биргән.

Сәхифәләр

Автошәһәрнең студентлар советы Халыкара инвалидлар көне кысаларында хәйрия акциясе үткәрә