Җәмгыять 5 октябрь 2005 16:23

Автошәһәрдә коррупциягә каршы көрәш буенча эшче төркем оештырылган

Скопировать ссылку

(Чаллы, 5 октябрь, “Татар-информ”, Илисә Ганиева). Чаллыда коррупциягә каршы көрәш буенча даими эшче төркем оештырылган. Җитәкчесе – хакимият башлыгының беренче урынбасары Васил Шәйхразиев.

Төркемгә 11 кеше кергән, шул исәптән, шәһәр прокуроры Илдус Нафиков, Эчке эшләр идарәсе башлыгы Фәйзулла Хөсниев, шәһәр хакимияте аппараты җитәкчесе Раушания Усманова, КДУ филиалының юридик факультеты деканы Сергей Кузнецов, Сәүдә-сәнәгать палатасының генераль директоры Юрий Петрушин, “КАМАЗ” ААҖнең генераль директоры урынбасары Васил Каюмов һ.б. эшче төркем бу атна ахырында коррупциягә каршы көрәш эшчәнлеге буенча шәһәр программасы эшләргә тиеш. Аның төп максаты – коррупция барлыкка килүнең сәбәпләрен ачыклау, боерык, беркетмәләрне һәм дәүләт, муниципаль оешмаларның башка документларын хокукый яктан тикшерү, түрәләр тарафыннан дәүләт хезмәте турындагы законны бозмауларын контрольдә тоту.

Сәхифәләр

Автошәһәрдә коррупциягә каршы көрәш буенча эшче төркем оештырылган