Спорт 23 декабрь 2004 12:03

Автошәһәрчектә чаңгы ярышына әзерләнәләр

Скопировать ссылку

(Чаллы, 23 декабрь, "Татар-информ", Илисә Ганиева). Чаллының яшьләр эшләре, спорт һәм туристлык идарәсе 30 декабрьдә хакимият башлыгы бүләгенә чаңгыда яңа ел узышы игълан итте. Ярышта табибтан кирәкле белешмәсе булган барлык теләүчеләр дә катнаша ала.

Ярышлар "Прибрежный" паркы трассасында үтәчәк. Тәҗрибәле спортчылар 10 чакрым, ә кызыксынучылар 3 чакрым арада ярышачак. Җиңүчеләрне кыйммәтле бүләкләр, финишка килеп җитүчеләрне яңа ел күчтәнәчләре көтә.

Әлеге узышлар 13 февральдә үтәчәк "Россия чаңгы юллары - 2004" зур старты алдыннан әзерлек буларак карала. Чаллы әлеге зур ярыш үтәчәк Россиянең 25 шәһәре исемлегенә кертелгән. Шәһәр хакимияте башлыгы Илдар Халиков Мәскәүдә әлеге ярышларны оештыру комитеты киңәшмәсендә катнашкан. Аның сүзләренчә, "Россия чаңгы юллары- 2004"тә 10 мең тирәсе спортчы катнашырга тиеш.

Сәхифәләр

Автошәһәрчектә чаңгы ярышына әзерләнәләр