Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Автомобиль йөртүчеләр өчен яңа төрле штраф барлыкка килергә мөмкин
Мәскәү шәһәре Думасы пленар утырышта федераль закон проектына автомобиль йөртүчеләр һәм байкерлар өчен 30 мең сумга кадәр яңа штраф каралган төзәтмәләр кабул итте. Бу проектны якын арада Дәүләт Думасында караячаклар. Бу хакта «Российская газета» яза.
Парламент рәисе Алексей Шапошников ачыклык керткәнчә, сүз төбәкләргә тавыш дәрәҗәсен арттырган өчен мөстәкыйль рәвештә машина йөртүчеләрне штрафка тартырга мөмкинлек бирә торган закон проекты турында бара. Бу, беренче чиратта, «ыжгыртып-үкертеп» чапкан спорт машиналарына һәм мотоциклларга кагыла.
Штрафларны тавыш исәпләгеч камералар ярдәмендә автомат режимда куярга киңәш ителә. Түләтү суммасын двигатель көченә бәйләргә тәкъдим итәләр. Автомобиль һәм байк кыйммәтрәк булган саен, йөртүчесе штрафны күбрәк түли. Минималь күләм - 5 мең, максималь - 30 мең сум.
Кызыклы яңалыкларны күзәтеп бару өчен Телеграм-каналга язылыгыз