Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Автоинспекторлардан качарга тырышкан 16 яшьлек машина йөртүче тоткарланган
Кичә иртән М7 трассасының 1004нче чакрымында автоинспекторлар 15нче модель «Лада» автомобиленә игътибар иткән.
ЮХИДИ хезмәткәрләрен күргәч, машина йөртүче борылып Алабуга ягына китеп барган.
Автоинспекторлар, утларын һәм тавыш сигналларын кабызып, аны куа киткән.
Машина йөртүче югары тизлектә куркыныч маневрлар ясый башлаган. Аны туктату өчен инспектор өч тапкыр һавага аткан. Нәтиҗәдә, машина трассадан кырга төшеп киткән.
Ачыкланганча, рульдә 16 яшьлек Алабуга кешесе булган, аның машина йөртү таныклыгы да, башка документлары да булмаган. Автомобиль үзе дә тиешенчә теркәлмәгән һәм иминиятләштерелмәгән.
Машинаны штрафстоянкага җибәргәннәр, ә яшүсмергә карата машина йөртү таныклыгы булмаган килеш рульгә утырган һәм автоинспекторларга буйсынмаган өчен беркетмәләр төзелгән.
Кызыклы яңалыкларны күзәтеп бару өчен Телеграм-каналга язылыгыз