Җәмгыять 24 июль 2020 14:59

Автоинспекторлар электр самокатында йөрү кагыйдәләрен кертергә тәкъдим итә

Юл йөрү кагыйдәләренә тәкъдим ителгән үзгәрешләр республика Дәүләт Советында тикшереләчәк.

Скопировать ссылку

(Казан, 24 июль, «Татар-информ», Елена Сәлахова). Татарстанның ЮХИДИ идарәсе электр самокаты һәм сегвейларга кагылышлы закон проекты әзерли. Татарстанның Баш дәүләт автоинспекторы Ленар Габдрахманов «Татар-информ» агентлыгында узган матбугат конференциясендә шулай дип белдерде.

Юл йөрү кагыйдәләренә тәкъдим ителгән үзгәрешләр республика Дәүләт Советында тикшереләчәк.

«Проблема шактый җитди. Электр самокаты белән идарә иткән кешенең ничек дип аталуы әле дә аңлашылмый. Бүгенге көндә ул җәяүлегә тиңләштерелгән. Шул ук вакытта, электр самокатының тизлеге сәгатенә 70 чакрымга җитәргә мөмкин, бу җәяүлеләр өчен куркыныч тудыра», — дип искәртте Ленар Габдрахманов.

Ул кайбер кешеләрнең машиналар юлында самокатта йөрүен әйтте, бу да бик куркыныч.

Сүз уңаеннан, соңы ярты ел эчендә республика юлларында электр самокатлары катнашында кеше үлеменә китергән юл һәлакәтләре теркәлмәгән.

#автоинспекторлар #дәүләт автоинспекциясе #автоинспекция #ЮХИДИ хезмәткәре #ЮХИДИ

Сәхифәләр

Автоинспекторлар электр самокатында йөрү кагыйдәләрен кертергә тәкъдим итә