Җәмгыять 29 декабрь 2004 13:46

Автоградбанк балаларны куандырды

Скопировать ссылку

(Казан, 29 декабрь, "Татар-информ"). "Автоградбанк" ЯАҖ Чаллының "Асылташ" Социаль-реабилитация үзәгендә тәрбияләнүчеләр өчен хәйрия акциясе оештырды. Авыр язмышка дучар булган һәм социаль ярдәмгә мохтаҗ балалар банк ярдәмендә Яңа ел алдыннан Казанның "ЛетоSТОР" аквапаркында булды.

Автоградбанк идарәсе рәисенең урынбасары Наталья Половинко сүзләренчә, бу банк тарафыннан үткәрелә торган беренче һәм соңгы хәйрия акциясе түгел. 1996 елда идарә рәисе Венера Иванова Чаллы хакимиятенең "Алтын йөрәк" дипломына лаек булган.

Халык белән эшләүгә юнәлтелгән кредит учреждениесе буларак, без социаль яктан җаваплы, кешелекле һәм шәфкатьле булырга тиеш, - дип билгеләп үтте Наталья Половинко.

Сәхифәләр

Автоградбанк балаларны куандырды