Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Автоэксперт ЮХИДИ штрафларын түләүдә 50 процентлы ташламаны кире кайтаруга шик белдерде
Дәүләт Думасына юл хәрәкәте кагыйдәләрен бозган өчен штраф түләгәндә 50 процентлы ташламаны кире кайтару турындагы закон проекты кертелде. Әмма автоэксперт, автомобильчеләрнең хокукларын яклау буенча эшче төркем әгъзасы Григорий Шухман «Радио 1» белән әңгәмәсендә әлеге закон проектының кабул ителүенә карата шик белдерде. Аның фикеренчә, хәзер дәүләт бюджет керемнәрен киметү белән кызыксынмый.
«Хәзер машина йөртүчеләр файдасына булган күпчелек закон проектлары кире кагыла, чөнки бюджет акча таләп итә. Өстәвенә, яңа закон буенча 25 процентлы ташлама белән җыелган акчаларның бер өлеше Россия Почтасы бюджетына хатлар тарату өчен китә. Шуңа күрә дәүләт бу салымнарны югалтырга теләмәячәк», - дип искәртте эксперт.
Шухман сүзләренчә, штрафларны түләүнең гамәлдәге тәртибе үзгәрмәячәк, чөнки алардан алыначак керемнәр инде бюджетка салынган.
«Дөресен әйткәндә, килешү була алмый, чөнки дәүләт бер ай эчендә штрафның 75 процентын түләтүне сайлады. Бу акчалар бюджетка салынган инде. Шуңа күрә ниндидер килешүнең булуы шикле», - дип аңлатты ул.
Эксперт искәрткәнчә, ташламаның үзгәрүе штрафлар җыюга ничек йогынты ясаячагы турында нәтиҗә ясарга иртәрәк - яңа норма кертелгәннән соң ярты ел гына узды, һәм тиешле статистика әле юк.
Искәртеп үтәбез, элек 50 процентлы ташлама быелның 1 гыйнварына кадәр гамәлдә булды, шуннан соң штрафларның күләмен арттырып, аны 25 процентка кадәр киметтеләр.
Кызыклы яңалыкларны күзәтеп бару өчен Телеграм-каналга язылыгыз