Автоэксперт машина йөртүчеләргә температура югары булса рульгә утырырга ярамавын искәртте
Скопировать ссылку
Машина йөртүчеләргә температура югары булса рульгә утырырга киңәш ителми. Автоэксперт, РФ Хөкүмәте каршындагы юл хәрәкәте иминлеге өлкәсендәге законнар буенча эшче төркеме әгъзасы Дмитрий Попов «Татар-информ» агентлыгына шул хакта хәбәр итте.
Ул билгеләп үткәнчә, Юл хәрәкәте кагыйдәләренең 2.7 пункты нигезендә, авырганда яки арыган хәлдә транспорт чарасы белән идарә итү тыела.
Эксперт сүзләренчә, организмдагы теләсә нинди вегетатив үзгәрешләр – шул исәптән югары температура яки югары кан басымы – кешедә авыруның барлыгы турында сөйли.