Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
«Автодор»: М12 трассасы буенча Мәскәүдән Казанга кадәр юл бәясе 3 мең сум тирәсе булачак
М12 трассасы буенча Мәскәүдән Казанга кадәр барыр өчен җиңел автомобиль йөртүчеләренә 3 мең сумга якын акча түләргә кирәк булачак. Әлеге суммада транспондер буенча ташлама исәпкә алынмый. Бу хакта «Автодор»ның операторлык эшчәнлеге һәм кулланучы сервисларын үстерү идарәсе башлыгы урынбасары Константин Макиев сөйләде. РИА Новости шулай дип хәбәр итә.
«Транспондер буенча ташламасыз юл бәясе 3 мең сум тирәсе булачак, – дип сөйләде Макиев. – Әмма без аңлыйбыз, безнең лояльлек программасы кысаларында автомобиль юллары буенча даими йөрүче кулланучылар өчен 15 процент ташлама булачак».
Ул шулай ук юлның бер километрының бәясе трасса этабына карап үзгәрүен аңлатты, әмма транзит участокларында юл бәясе бер километрга уртача 3-4 сум булачак.
«Мәскәү янындагы участокларга ихтыяҗ зур, кулланучының түләргә әзерлеге бар <...> Әмма ерактарак транзит участокларында – без челтәрдә бер километр өчен транзит участоклардагы кебек күрергә күнеккән күрсәткечләр булачак – километр өчен бу уртача 3-4 сум», – дип өстәде Макиев.
- М12 проекты якынча 800 км озынлыктагы автомагистраль төзүне күздә тота, ул Мәскәү, Владимир, Түбән Новгород өлкәләрен, Чувашияне һәм Татарстанны Россиянең Европа өлешендәге тиз йөрешле автомобиль юллары челтәре белән тоташтырачак.
Кызыклы яңалыкларны күзәтеп бару өчен Телеграм-каналга язылыгыз