Авиатөзелеш районындагы юлда зур чокыр барлыкка килгән
Петр Витер урамында асфальт убылып төшкән.
Скопировать ссылку
(Казан, 30 май, «Татар-информ»). Чираттагы зур чокыр Казан шәһәренең Авиатөзелеш районындагы юлында барлыкка килде. Фотолар социаль челтәрләргә куелган.
Петр Витер урамында асфальт чокырланып аска төшкән. Фотода юл уртасында диярлек зур чокыр барлыкка килгәнлеге күренә. Әйләнә-тирәсе коймалар белән әлегә әйләндереп алынмаган.
Автомобиль йөртүчеләргә әлеге чокырга эләкмәс өчен аеруча игътибарлы булырга кирәк.
