Хәвеф-хәтәр 3 сентябрь 2017 11:47

Авиашоу вакытында Ан-2 очкычының һәлакәткә юлыгуына бәйле рәвештә җинаять эше кузгатылды

Очкыч экипажының ике әгъзасы һәлак булган.

Скопировать ссылку

(Казан, 3 сентябрь, «Татар-информ»). Россия Федерациясе Тикшерү комитеты Балашиха шәһәрендәге авиашоу вакытында Ан-2 очкычының һәлакәткә юлыгуына бәйле рәвештә җинаять эше кузгатты, дип хәбәр итә «Российская газета».

Эш Җинаять кодексының һава судносын эксплуатацияләү кагыйдәләрен бозу нәтиҗәсендә кешеләр үлеменә китерү турындагы маддә нигезендә кузгатылган. «Хәзерге вакытта җинаять эше буенча дәлилләр базасын җыюга юнәлдерелгән тикшерү гамәлләре үткәрелә, авария булган урын җентекләп тикшерелгән, һәлакәтнең шаһитләреннән сорау алынган», – дип хәбәр итте Россия Тикшерү комитеты вәкиле Светлана Петренко.

Шунысын да искәртик: Ан-2 очкычы авиашоу вакытында һәлакәткә юлыга. Башлангыч мәгълүматлар буенча, самолет ярты чакрым биеклектән җиргә егылып төшкән. Нәтиҗәдә, очкыч экипажының ике әгъзасы һәлак булган.

#Авиашоу #һәлакәт

Сәхифәләр

Авиашоу вакытында Ан-2 очкычының һәлакәткә юлыгуына бәйле рәвештә җинаять эше кузгатылды