Nordwind авиакомпаниясе Казаннан Истанбулга туры рейслар ачты
Бүген Nordwind авиакомпаниясе Казаннан Истанбулга туры рейслар ачты. Самолетлар атнага өч тапкыр рейс ясаячак, дип хәбәр итә Татарстан башкаласы аэропорты матбугат хезмәте.
Казаннан самолетлар дүшәмбе көнне - 10.40 сәгатьтә, чәршәмбе – 11.50 сәгатьтә, җомга көнне 7.50 сәгатьтә оча. Очышның дәвамлылыгы 4 сәгать 55 минут дәвам итәчәк.
Истанбулдан самолет дүшәмбе көнне - 16.35 сәгатьтә, чәршәмбе – 17.45 сәгатьтә, җомга көнне 13.35 сәгатьтә кузгалып китә. Очышның дәвамлылыгы 4,5 сәгать дәвам итәчәк.
Маршрутта 189 пассажирга исәпләнгән Boeing 737-800 һава суднолары җәлеп ителгән.
«Истанбул Татарстан өчен стратегик юнәлешләрнең берсе. Маршрутка туристлар арасында да, бизнес вәкилләре арасында да ихтыяҗ зур», - дип белдерде «Казан» халыкара аэропорты генераль директоры Сергей Романцов.
Барнаул, Бишкек, Дүшәнбе, Иркутск, Кемерово, Томск һәм Худжанд пассажирлары да Казанда күчеп утырып Төркиягә бара алачак.