news_header_top
16+
news_header_bot
news_top

Август башында Казан үзәгендә чаралар үткәрелү сәбәпле транспорт хәрәкәте чикләнәчәк

Казан үзәгендә, ярышлар һәм бәйрәм үткәрелү сәбәпле, транспорт хәрәкәте вакытлыча чикләнәчәк. Бу хакта шәһәр мэриясенең Телеграм-каналы хәбәр итә.

Казанда 29 июльдән 4 августка кадәр чаңгы роллеры буенча Россия чемпионаты уза. Төп стартларны «Мирный» чаңгы-биатлон комплексы трассалары кабул итә, әмма шәһәр үзәгендә узучы ике финал ярышы чемпионатның иң югары ноктасы булачак. Шуңа бәйле рәвештә, 3 августта 6.00-15.00 сәгатьләрдә Кремль яр буе һәм Батурин урамы буенча транспорт хәрәкәт чикләнә.

2 августта 15.00-19.00 сәгатьләрдә «Казан» гаилә үзәге янында «Мин күкне сайлыйм» дип аталган авиация бәйрәме уза. Чара кунакларын һөнәри ориентация аллеясы, мастер-класслар, җирле артистларның чыгышлары һ.б. көтә. 6.00-16.00 сәгатьләрдә - Кремль урамы, ә 14.00-20.00 сәгатьләрдә Сибгат Хәким урамы ябылачак.

news_right_1
news_right_2
news_bot