Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Һавада химия исе булу турында халыктан килгән мөрәҗәгатьләр расланмады
Казанда һавада пычратучы матдә кушылдыклары мөмкин булганнан артык түгел, ди Татарстан Экология министрлыгының инспекция белгечләре.
(Казан, 2 август, "Татар-информ"). Казанда һавада пычратучы матдә кушылдыклары мөмкин булганнан артык түгел. Бу хакта Татарстан Республикасы Экология һәм табигый ресурслар министрлыгының Үзәк махсуслаштырылган аналитик контрольлек инспекциясе белгечләре хәбәр итә.
1 августта автмосфера һавасында химия исе булуы турында 10га якын мөрәҗәгать килде. Хәбәрләр шәһәрнең төрле почмакларыннан алынды. Министрлыкның контрольлек инспекциясе белгечләре күчмә экология лабораторияләрендә кичекмәстән халыктан шикаять килгән урыннарга чыкты. Атмосфера һавасындагы зарарлы (пычратучы) матдәләрнең мөмкин булган кушылдыкларының артып китү очракларын ачыклау өчен пробалар алынды.
"Уздырылган тикшерүләр нәтиҗәсендә Казанда һавада зарарлы (пычратучы) матдә кушылдыкларының нормадан артып китү очраклары ачыкланмады", – дип аңлата министрлыкның контрольлек инспекциясе башлыгы Хәдичә Сафиуллина.
- Хәзерге вакытта әйләнә-тирә мохит торышын территориаль күзәтү системасы кысаларында Казан шәһәрендә министрлык тарафыннан атмосфера һавасы пычрануын күзәтү челтәре формалаштырылды. Ул 4 автомат станциядән тора. Алар атмосфера һавасы пычрануын контрольдә тота (стационар постлар). Әйләнә-тирәлекне пычрату дәрәҗәсенең артып китү очракларына оператив йогынты ясау өчен 2 күчмә экология лабораториясе эшли.
- 31 июльдән башлап 2 августка кадәр Казан территориясендә мөмкин булган кушылмаларның нормадан арту очраклары теркәлмәде.
Кызыклы яңалыкларны күзәтеп бару өчен Телеграм-каналга язылыгыз