Һава температурасы түбән булу сәбәпле, Чистайда орлыкларны җылытып чәчә башлаганнар
Чәчәр алдыннан орлыклар утыз градуска кадәр җылытыла.
(Казан, 14 май, «Татар-информ», Алёна Низамова). Язның соңарып килүе сәбәпле, Чистайда яңа технология кулланыла башлаган. Кырларга орлыкларны җылытып чәчә башлаганнар. Бу хакта Чистай муниципаль районының авыл хуҗалыгы идарәсе рәисе урынбасары Илгизәр Нуретдинов «Татарстан – Яңа гасыр» телеканалының «Адымнар» тапшыруында белдерде.
Илгизәр Нуретдинов белдерүенчә, әлеге алым үсентеләрнең тигез һәм җиңел үсеп китүенә ярдәм итә.
«Язның салкын килү аркасында, быел киптергеч җайланмаларны кабыздык һәм орлыкларны җылытып чәчәбез. Утыз градус тирәсе җылылык аша үткәреп, җылытылган бөртекләрне җиргә салабыз. Ул вакытта үсентеләр тигез, бердәм чыга», – дип белдерде ул.