Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
АТОР Казаннан Россия курортларына авиабилетларның кыйммәтләнүе турында белдерде
2026 елда Казаннан кайбер юнәлешләргә авиабилетларга бәяләр июль белән чагыштырганда арткан. Бу АТОР аналитик хезмәте мәгълүматларыннан күренә.
Иң зур үзгәреш Казан-Минераль Сулар маршрутында теркәлгән, анда багажсыз минималь тариф 101,1 процентка арткан (9,6 меңнән 19,3 мең сумга кадәр). Шулай ук Казаннан Калининградка билетлар бәясе арткан. Бер якка билет бәяләре 62,1 процентка кыйммәтләнгән. Калининград – Казан рейсына билетлар 24-26 процентка күтәрелгән. Чагыштыру өчен: июльдә Калининградка туры очышларны 6 430 сумнан алып табарга мөмкин иде, августта ай башына бәяләр 17 339 сумга җитте.
Шул ук вакытта кайбер юнәлешләрдә бәяләр кимү теркәлгән. 2026 елның августында Казан – Сочи очышы июльгә караганда 12,2 процентка арзанрак булачак (тариф буенча багажсыз). 3 августка минималь тариф 11 187 сум тәшкил итә.
АТОР бәяләвенчә, августта авиаташулар базары төрле юнәлештәге динамиканы күрсәтә: кайбер маршрутлар кыйммәтләнә, икенчеләре арзаная. Экспертлар туристларга сәфәрләрне планлаштырганда, конкрет даталарны һәм юнәлешләрне исәпкә алырга, шулай ук башка шәһәрләрдә күчеп утыру белән альтернатив маршрутларны карарга киңәш итә.
Казан – Мәскәү маршрутлары буенча очышлар августта 5 382 сумнан, Казан – Санкт-Петербург — 7 450 сумнан башлана.
Кызыклы яңалыкларны күзәтеп бару өчен Телеграм-каналга язылыгыз