Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Атна уртасында Татарстанда -27 градуска кадәр суыта
Атна уртасына кадәр Татарстанда төнге һава температурасы -22..-27 градуска кадәр булырга мөмкин, әмма соңыннан һава торышы җылырак булачак. Бу хакта республиканың Гидрометеорология үзәге хәбәр итә.
Сишәмбе -22 градуска кадәр суык көтелә, дип язган иде «Татар-информ». Чәршәмбе атнаның иң салкын көне булачак: -17..-22 градус, урыны белән -27 градуска кадәр. Көндез -8..-13 градуска кадәр фаразлана.
Төнлә һәм пәнҗешәмбе көнне иртән кар явачак, кайбер урыннарда ул көндез дә дәвам итәчәк. Төнлә һава температурасы -9..-14 градус тирәсендә булачак, көньякта -18 градуска кадәр төшәргә мөмкин. Көндез температураның -3..-8 градуска кадәр күтәрелүе көтелә.
«Татарстан Республикасы Гидрометеорология үзәгенең якынча фаразы буенча, 10-11 февральдә явым-төшем ихтималы зур түгел. Һава температурасы: төнлә -10..-15 градус, 11 февральдә аязган вакытта -19, көндез -3..-9 градус», – дип хәбәр ителә фаразда.
Синоптиклар шулай ук атна дәвамында югары басым булуы турында кисәтте. Чәршәмбе көнне ул иң югары булачак: Казанда терекөмеш баганасының 770 мм билгесенә кадәр.
Кызыклы яңалыкларны күзәтеп бару өчен Телеграм-каналга язылыгыз