news_header_top
16+
news_header_bot
news_top

Атна саен 11 меңләп татарстанлы ОРВИ белән авырый

Атна саен Татарстанда ОРВИ, грипп һәм ковидның 11 мең очрагы теркәлә, ә башка респиратор инфекцияләр арасында грипп өлеше соңгы атнада 4 тапкырга диярлек арткан. Бу хакта ТР Хөкүмәте Йортында узган киңәшмәдә Роспотребнадзорның ТР буенча идарәсе җитәкчесе – ТР буенча баш дәүләт санитария табибы Марина Патяшина сөйләде.

ТР Рәисе матбугат хезмәтендә сөйләүләренчә, киңәшмәне Татарстан рәисе Рөстәм Миңнеханов үткәргән. Анда шулай ук ТР Премьер-министры Алексей Песошин һәм ТР Дәүләт Советы Рәисе Фәрид Абдулганиев катнашты.

Вирусологик мониторинг мәгълүматлары буенча, агымдагы сезонда А гриппы вирусы өстенлек итә. Авыруның иң югары ноктасы декабрь ахырына фаразлана.

Инфекциядән һәм катлауланулардан саклануның иң нәтиҗәле ысулы – вакцинация. Ул пневмониядән дә, үлемнән дә тулысынча саклый.

news_right_1
news_right_2
news_bot