Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Атна ахырына Татарстанга бик җылы һава торышы килә
Татарстанда һава торышының үзгәрүе көтелә – салкын арктик һава артка чигенү белән, температура әкренләп күтәреләчәк. Бу хакта Татарстанның Гидрометеорология үзәге хәбәр итә.
Иртәгә, «Татар-информ» хәбәр иткәнчә, республикада +9 градуска кадәр җылы була, бераз кар һәм яңгыр явачак.
Чәршәмбе төнендә бераз яңгырлар һәм җепшек кар яварга мөмкин, әмма көндез явым-төшем көтелми. Төнге сәгатьләрдә термометр баганалары 0..+3 градуска кадәр, ә көндез +4..+9 градуска кадәр күрсәтәчәк.
Пәнҗешәмбе көнне төнлә температура бераз төшәчәк: 0..-3 градуска кадәр, әмма көндез кабат +6..+11 градуска кадәр күтәрелә.
Фаразланганча, 24, 25 һәм 26 мартларда бик җылы һава торышы көтелә, көндез +6..+11 градуска җитәчәк. «Вакыт-вакыт, атмосфера фронтларын узганда, яңгырлар явачак. Бу чорда уртача температура нормадан 6-8 градуска югарырак булачак», – диелә фаразда.
Кызыклы яңалыкларны күзәтеп бару өчен Телеграм-каналга язылыгыз