Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Атмосфера фронтлары Татарстанга чираттагы буран алып килә һәм бераз җылыта
![Атмосфера фронтлары Татарстанга чираттагы буран алып килә һәм бераз җылыта](https://tatar-inform.tatar/resize/shd/images/uploads/news/2024/2/16/616ca92d8bdfe87b3484dedc6bc3241e.jpg)
Татарстанда инде алдагы ялларда ук атмосфера фронтлары йогынтысында һава шартлары үзгәрә башлый, температура фоны күтәрелә. ТР Гидрометеорология һәм әйләнә-тирә мохитне күзәтү идарәсе шул хакта хәбәр итә.
Шимбә, 17 февральдә, республика территориясендә соңгы көннәрдә хакимлек иткән төньяк антициклон акрынлап көньяк-көнчыгышка күчә, атмосфера басымы төшә башлый.
Төбәкнең көнбатышы атмосфера йогынтысына эләгә: анда урыны белән бераз кар явачак, ә көнчыгышта явым-төшем көтелми. Синоптиклар әйтүенчә, «көчле салкыннар чигенә». Һава температурасы төнлә -16..-21 градус, көндез -10..-15 градус тәшкил итәчәк.
Якшәмбегә каршы төндә, 18 февральдә, явым-төшем ихтималы аз. Шулай да көндез Татарстанның көнбатыш районнарында төньяк циклонның атмосфера фронты якынаюга бәйле рәвештә буран фаразлана, җилнең тизлеге секундына 15 метрга кадәр җитә. Температура фоны төнлә - 13..-18 градус, көндез -6..-11 градуска кадәр күтәреләчәк.
Метеорологларның якынча мәгълүматлары буенча, дүшәмбе, 19 февральдә, төньяк циклонның атмосфера фронты зонасында кар явуын дәвам итә, буран чыга һәм көчле җил исә. Көн тагын да җылыта: төнлә һава температурасы -6..-11 градус, көндез -3..-8 градус тәшкил итәчәк.
Сишәмбе, 20 февральдә, фронталь система көнчыгышка киткәннән соң республикада явым-төшемнәр туктый. Төнлә -9..-14, көндез -4..-9 градус салкын булуы көтелә.
Кызыклы яңалыкларны күзәтеп бару өчен Телеграм-каналга язылыгыз