Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Әстерхан мәктәбе директоры Татарстанның атказанган укытучысы булды
Татарстан Рәисе Рөстәм Миңнеханов Әстерханда Габдулла Тукай исемендәге 74нче урта гомуми белем бирү мәктәбе директоры Надежда Гоголевага «Татарстанның атказанган укытучысы» дигән мактаулы исем бирде. Бу хактагы карар республика җитәкчесе сайтында чыкты.
Гоголевага мактаулы исем мәгариф өлкәсендәге казанышлары һәм актив җәмәгать эшчәнлеге өчен бирелгән, диелә документта. Әстерханда бу мәктәп 1926 елда оештырылган.
Миңнеханов икенче карар белән Олимпия чемпионы Б.Г.Кузнецов исемендәге спорт мәктәбенең грек-рим көрәше буенча тренеры, Әстерхан өлкәсе татарларының төбәк милли-мәдәни мохтарияте әгъзасы Фәрит Кадыйровка «Татарстанның атказанган физик культура хезмәткәре» исемен тапшырды. Ул физик культура һәм спорт үсешенә зур өлеш керткәне өчен бүләкләнде.
Моннан тыш, Әстерхан өлкәсе татарларының төбәк милли-мәдәни мохтарияты рәисе Динара Мәҗитовага татар милли мәдәниятен үстерүгә һәм саклауга зур өлеш керткәне өчен «Татарстанның атказанган мәдәният хезмәткәре» исеме бирелде.
Кызыклы яңалыкларны күзәтеп бару өчен Телеграм-каналга язылыгыз