Татар дөньясы 17 апрель 2019 11:44

Астанада "Татар кызы-2019"ны онлайн сайлыйлар

Иң күп лайк җыйган катнашучы җиңүче титулына ия булачак.

Скопировать ссылку

(Казан, 17 апрель, "Татар-информ"). Астанада "Татар кызы-2019"ны онлайн сайлыйлар. Бу хакта Астана татарлары һәм башкортларының "Таң" мәдәни үзәге хәбәр итә.

Матурлык һәм зирәклелек бәйгесенең финалында 16-24 яшьлек тугыз кыз ярыша. "Татар кызы" исеменә лаек булырга теләүчеләр арасында тәрҗемәчеләр, дипломат, табиб, психолог, туризм буенча менеджер, икътисадчы, архитектор-дизайнер һ.б. һөнәр ияләре бар.

Астанада "Татар кызы-2019" бәйгесенең финалы май аенда узачак. Онлайн рәвештә тавыш бирү дә финалга кадәр дәвам итә. Иң күп лайк җыйган катнашучы җиңүче булачак, диелә хәбәрдә.

#астана #татар кызы

Сәхифәләр

Астанада "Татар кызы-2019"ны онлайн сайлыйлар