Татар дөньясы 19 ноябрь 2016 15:45

Астанада ханбикә Сөембикә урамы барлыкка килде

Казахстан башкаласында татар халкы вәкиле исемен йөртәчәк бу икенче урам, шәһәрдә Муса Җәлил урамы да бар.

Скопировать ссылку

(Казан, 19 ноябрь, "Татар-информ"). Казахстанның Астана шәһәрендәге бер урамга Казанның соңгы ханбикәсе хөрмәтенә Сөембикә дип исем куштылар. Бу хакта Казахстанның татар һәм башкортлар ассоциациясе медиаүзәге хәбәр итә.

Әлегәчә бу урамның проект атамасы - N 602 иде, яңа урамга Сөембикә исемен кушу турында карар сентябрь аенда кабул ителгән. Аңа кадәр ике ел дәвамында, 2016 елның июленә кадәр, илдә объектларга, административ- территориаль берәмлекләргә исем бирү яки аларның исемен үзгәртү сорауларын тикшерүгә моратий гамәлдә булган.

Астана акиматына 2015 ел башында кертелгән тәкъдимнәр, шул исәптән N 602 урамына ханбикә Сөембикә исемен бирү мөрәҗәгате дә быел сентябрьдә каралган, дип хәбәр итә акиматның матбугат хезмәте.

#Казахстан #ханбикә Сөембикә

Сәхифәләр

Астанада ханбикә Сөембикә урамы барлыкка килде