Ашлыкка бәяләр түбән булганлыктан Татарстан җитештерүчеләренә 301 млн сум ярдәм бирелгән

Скопировать ссылку

Быел Татарстан җитештерүчеләренә 206 мең тонна сатылган ашлык өчен 301,5 млн сум күләмендә дәүләт ярдәме күрсәтелгән. Бу хакта Татарстан Республикасы Хөкүмәте йортында узган брифингта ТР Премьер-министры урынбасары – авыл хуҗалыгы һәм азык-төлек министры Марат Җәббаров хәбәр итте.

«Ашлык бәяләре бик түбән. Бигрәк тә бөртеклеләргә. Әмма бөртекле культуралар җитештерүчеләргә ярдәм итү өчен Россия Хөкүмәте сатылган ашлык өчке чыгымнарның бер өлешен каплауга субсидия бүлеп бирә», – дип белдерде министр.

15 октябрьгә булган мәгълүматлар буенча, НДСны исәпкә алып, бер тонна ашлыкның уртача сатып алу бәяләре түбәндәгечә:

3 нче класслы бодай – 11,5 мең сум;

4 нче класслы бодай – 9,9 мең сум;

терлек азыгы өчен бодай – 8,7 мең сум;

арыш – 13,5 мең сум;

арпа – 8,8 мең сум.

Сәхифәләр

Ашлыкка бәяләр түбән булганлыктан Татарстан җитештерүчеләренә 301 млн сум ярдәм бирелгән