Артём Галимов «Ак Барс» өчен 300нче матчында Уфа капкасына бердәнбер алканы кертте
Бүген Казанның «Ак Барс» хоккейчылары Уфаның «Салават Юлаев» командасына җиңелде. Уен исәбе – 2:1. Матч Уфада узды.
Беренче периодның тугызынчы минутында «Ак Барс» һөҗүмчесе Артём Галимов гол кертте (0:1). Артём Галимов бүген Континенталь хоккей лигасында һәм «Ак Барс» составында 300нче уенын үткәрде.
Икенче период уртасында, «Ак Барс» азчылыкта уйнаганда, Уфа командасы уенчысы Александр Хмелевски исәпне тигезләде (1:1). Унҗиденче минутта Даниил Огирчук «Салават Юлаев» командасын алга чыгарды, бу алка да «Ак Барс» азчылыгы вакытында керде (2:1).
Өченче период голларсыз узды.
Командалар составы:
«Салават Юлаев»
- Самонов (Ежов);
- Дроздов – Хмелевски – Шмелёв, Науменков – Мелош;
- Сучков – Шаров – Ливо, Хафизуллин – Коледов;
- Алалыкин – Пименов – Башкиров, Панин – Зоркин;
- Огирчук – Ефремов – Тимкин, Цулыгин.
«Ак Барс»
- Билалов (Мифтахов);
- Лукоянов – Кателевский – Дыняк, Юдин – Миллер;
- Кагарлицкий – Шипачёв – Радулов, Журавлёв – Войнов;
- Галиев – Семёнов – Кошелев, Адамчук – Лямкин;
- Галимов – Сафонов – Свечников, Марченко.
Киләсе уенда «Ак Барс» Казанда «Татнефть Арена» боз сараенда Түбән Каманың «Нефтехимик» командасы белән көч сынашачак. Матч 13 февральдә 19:30 сәгатьтә башлана. Әлеге уен «ШАЯН ТВ» телеканалы белән берлектә узачак.