Артур Исламов 30 августта рок-концерт вәгъдә итә
Tat Cult Fest фестивале кысаларында җырчының чыгышы 18 сәгать 30 минутта башлана.
(Казан, 10 август, «Татар-информ», Рузилә Мөхәммәтова). Танылган җырчы Артур Исламов Tat Cult Fest яңа татар мәдәнияте фестивале кысаларында рок-концертын бирәчәк. Бу хакта ул үзенең аккаунтында хәбәр итә.
“Мин сезгә үземнең рок-концертымны вәгъдә иткән идем. Сүземдә торам! 30 августта Tat Cult Fest фестиваленә чакырып калам. Соңгы елларда язылган җырлардан торган яңа программа тәкъдим итәчәкбез. Әлбәттә, тере тавыш, яңа музыкантлар. Кыскасы, кыздырачакбыз”, - дип язган җырчы.
Фестиваль кысаларында Артур Исламовның чыгышы Зур сәхнәдә 18 сәгать 30 минутта башлана.
Tat Cult Fest яңа татар мәдәнияте фестивале традиция буенча, 30 августта Казан Кремлендә үткәрелә.