Татар дөньясы 4 март 2009 18:42

Артист Гөлнара Габитовага “Татарстанның атказанган артисты” дигән мактаулы исем бирелде

Әлеге уңайдан иртәгә театрда “Король Лир” спектакле алдыннан сәнгатькәрне котлау булачак

Скопировать ссылку

(Казан, 4 март, “Татар-информ”, Рәсилә Кәримова). Г.Кариев исемендәге Казан Татар дәүләт яшь тамашачы театры артисты Гөлнара Габитовага “Татарстанның атказанган артисты” дигән мактаулы исем бирелде. Әлеге уңайдан иртәгә театрда “Король Лир” спектакле алдыннан сәнгатькәрне котлау булачак, дип белдерә театрның матбугат хезмәте.
Г.Габитова Казан кызы. Казан театр училищесын тәмамлаганнан соң, 1992 елда ул Татар дәүләт яшь тамашачы театрына эшкә килә. Унҗиде ел дәвамында артистка берсеннән-берсе үзенчәлекле, кабатланмас образлар тудыра. Алар — Зөһрә (“Үги кыз”, Ә.Әхмәт), Суфия (“Кырларым-тугайларым”, Т.Миңнуллин), Тиен кызы Түләнтәй (“Керпе малае дуслар эзли”, Р.Корбан), Марианна (“Тартюф”, Ж.Мольер), Миңсылу (“Сержант”, И.Сираҗи), Сатучы (“Печән базары”, Р.Әюпов), Тиен (“Кадерне белмәүче бурсык”, Н.Новосельская) һәм башка образлар.
“Король Лир” спектаклендә Г.Габитова Регана ролен башкара.

Сәхифәләр

Артист Гөлнара Габитовага “Татарстанның атказанган артисты” дигән мактаулы исем бирелде