Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары вазифасын башкаручы
Зилә Мөбәрәкшина
Артем Здунов Дәүләт Советының «Гаилә» юнәлеше буенча комиссиясен җитәкләде
Татарстанның элеккеге икътисад министры һәм Мордовия башлыгы Артем Здунов Дәүләт Советының «Гаилә» юнәлеше буенча комиссиясе җитәкчесе итеп билгеләнде. Хокукый мәгълүмат порталында урнаштырылган шул хактагы указны РФ Президенты Владимир Путин имзалаган.
Здуновка кадәр Дәүләт Советының бу комиссиясен Андрей Никитин җитәкләде. Әмма февральдә ул РФ транспорт министры урынбасары вазифасына күчте. Башка эшкә күчү сәбәпле, аның отставкасы кабул ителде, дип хәбәр итә Кремльнең матбугат хезмәте.
Дәүләт Советы - хакимияттәге төрле структураларның үзара хезмәттәшлеген тәэмин итәргә, эчке һәм тышкы сәясәтнең төп юнәлешләрен, дәүләтнең социаль-икътисади үсешендәге өстенлекләрен билгеләргә тиешле конституцион дәүләт органы. Аның составында 20дән артык комиссия (шул исәптән «Гаилә») эшли.
Кызыклы яңалыкларны күзәтеп бару өчен Телеграм-каналга язылыгыз