Җәмгыять 18 август 2022 20:04

Артем Хохорин Мөслим районы полициясенең яңа җитәкчесе белән таныштырды

Скопировать ссылку

Татарстан буенча Эчке эшләр министрлыгы башлыгы Артем Хохорин Россия Эчке эшләр министрлыгының Мөслим районы буенча бүлегенең шәхси составын яңа җитәкче – полиция подполковнигы Марат Дәүләтшин белән таныштырды.

Татарстан Республикасы буенча Эчке эшләр министрлыгы җитәкчесе билгеләп үткәнчә, Дәүләтшин үзен белемле җитәкче буларак таныткан. Артем Хохорин полициянең райондагы яңа башлыгына уңышлар теләде.

Җавап сүзендә Марат Дәүләтшин республиканың Эчке эшләр министрлыгы җитәкчелегенә ышаныч белдерүләре өчен рәхмәт белдерде һәм бүлек коллективының куелган барлык бурычларны да югары дәрәҗәдә башкарып чыга алуын әйтеп узды.

Марат Алек улы Дәүләтшин 1989 елда Азнакай районының Сарлы авылында туган. 2008 елда ул Россия Эчке эшләр министрлыгының Казан юридик институтын тәмамлаган, шуннан соң эчке эшләр органнарында хезмәт иткән.

2013 елда Дәүләтшин Россия Эчке эшләр министрлыгының Азнакай районы буенча бүлегенең җинаятьчеләрне эзләү бүлеге башлыгы итеп билгеләнә, ә биш елдан соң ул шул ук районның полиция җитәкчесе урынбасары итеп куела. 2020 елның февралендә Марат Дәүләтшин Россия Эчке эшләр министрлыгының Бөгелмә районы буенча полиция бүлеге җитәкчесе вазифасын башкара.

Өйләнгән, 3, 2 дәрәҗәге «Хезмәттәге казанышлары өчен» медале белән бүләкләнгән. Бу хакта Татарстан Республикасы буенча Эчке эшләр министрлыгының матбугат хезмәтендә хәбәр ителә.

Сәхифәләр

Артем Хохорин Мөслим районы полициясенең яңа җитәкчесе белән таныштырды