Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Армиягә барудан баш тарткан өчен гражданлыктан мәхрүм итү турында закон проекты әзерләнде
Россиядә армиядә хезмәт итүдән баш тартучыларны гражданлыктан мәхрүм итәргә тәкъдим итәләр. Дәүләт Думасында шул закон проектын караячаклар. Документ Дума базасында чыкты.
Парламентарийларга документны Дәүләт Думасында КПРФ партиясе депутаты Михаил Матвеев тәкъдим итте. Гражданлыктан мәхрүм итү сәбәпләре арасында ашыгыч хезмәттән генә түгел, ә мобилизациядән баш тарту очраклары да атала. Документ кабул ителгән очракта җәза хәрби исәпкә кую срогы чыкканнарга да яный.
Проектны әзерләүчеләр аңлатма язуында белдергәнчә, ул беренче чиратта Россия гражданлыгы алган чит ил кешеләренә юнәлтелгән, алар хәрби исәпкә басмый.
Искәртик, Дәүләт Думасына тугач та бирелгән гражданлыктан авыр җинаятьләр өчен мәхрүм итү турындагы закон проектын керттеләр, алар арасында армияне дискредитацияләү дә бар. Ләкин соңрак документны эшләүче дүрт сенаторның өчесе дә үз имзаларын алды. Хәзер Россиядә алынган гражданлыкка карата шундый ук закон гамәлдә.
Кызыклы яңалыкларны күзәтеп бару өчен Телеграм-каналга язылыгыз