Фән һәм мәгариф 7 август 2019 20:41

Арка миенә протез ясау белән шөгыльләнүче студент Президент стипендиясе алачак

Алексей Леухин арка миенең функциональ бүлеге протезын ясау буенча проект эшли.

Скопировать ссылку

(Казан, 7 август, "Татар-информ"). Казан федераль университетында киләсе уку елы дәвамында Россия Федерациясе Президенты стипендиясе алачак студентларны игълан иттеләр. Шуларның берсе – КФУның ИТИС Югары мәктәбенең икенче курс магистранты Алексей Леухин. Бу турыда Татарстан Мәгълүматлаштыру һәм элемтә министрлыгы матбугат хезмәте хәбәр итте.

КФУның ИТИС студенты, нейроморф исәпләүләре һәм нейросимуляция лабораториясе хезмәткәре Алексей Леухин арка миенең функциональ бүлеге протезын ясау буенча проект эшли.

Стипендия бакалавриатның икенче курсыннан башлап, Россия икътисадын модернизацияләүнең һәм технологик үстерүнең өстенлекле юнәлешләре исемлегенә кертелгән белгечлекләр яки әзерлек юнәлешләре буенча көндезге бүлек студентларына бирелә. Моннан тыш, акчалата бүләк алуга дәгъва кылучылар бик яхшы укырга, фәнни басмалар һәм конференцияләрдә чыгыш ясарга тиеш.

#студент #стипендия

Сәхифәләр

Арка миенә протез ясау белән шөгыльләнүче студент Президент стипендиясе алачак