news_header_top
16+
news_header_bot
news_top

Сергей Ардашев Хакасия Кубогында ирекле стиль белән 10 чакрымга узышуда җиңү яулады

Сергей Ардашев Хакасия Кубогында ирекле стиль белән 10 чакрымга узышуда җиңү яулады
Фото: ТР Чаңгы узышлары федерациясе матбугат хезмәте

Республика ярышларында Татарстанны тәкъдим итүче, чаңгы ярышлары буенча Россия Кубогы иясе Сергей Ардашев Вершина Теи бистәсендә узучы Хакасия Кубогында ирекле стиль белән 10 чакрымга узышуда беренче булып килде.

Ардашев әлеге дистанцияне 21 минут 18,8 секунд эчендә буйсындырды. Төмән өлкәсен тәкъдим итүче, 2022 елгы Олимпия чемпионы Денис Спицов икенче урынга лаек булды – ул лидердан нибары 1,1 секундка гына калышты. 1,8 секундка калышкан Пермь крае спортчысы Илья Чертков финишка өченче булып килде.

Төмән спортчылары Артем Мальцев һәм Алексей Червоткин дүртенче һәм бишенче позицияләрдә урнашты, алар лидердан 13,4 һәм 17,4 секундка калышты. Татарстанның тагын бер вәкиле Виктор Иванов, лидердан 50,8 секундка калышып, 19нчы урынны яулады.

news_right_1
news_right_2
news_bot