Казанлылар наркотикларның законсыз әйләнешенә каршы йөгерә

 (Казан, 26 июнь, “Татар-информ”). Казанның җәяүлеләргә бирелгән Бауман урамында бүген сәгать кичке 7дә “Сәламәтлекне юллап”/”В погоне за здоровьем” дигән исемдә йөгерү марафоны уздырыла. Халыкара наркотик чаралардан законсыз файдалануга һәм наркотикларның законсыз әйләнешенә каршы көрәш көненә туры китереп оештырылган әлеге акциядә кимендә 50 кеше катнашачак, дип белдерә Казан каласы Башкарма комитетының балалар һәм яшьләр эшләре буенча комитеты.

Шундый марафон уздырып, шәһәр хакимияте җәмәгатьчелекнең игътибарын яшьләр арасында наркомания таралышы проблемасына җәлеп итүне, сәламәт яшәү рәвешенең өстенлеген күрсәтүне максат итә.