Казан Муса Җәлилне һәм аның көрәштәшләре турында хәтер яңарта

Моннан 70 ел элек шагыйрь һәм аның иптәшләре җәзалап үтерелгән

(Казан, 25 август, “Татар-информ”, Лилия Локманова). Герой-шагыйрь Муса Җәлил һәм аның белән бергә фашистларга каршы көрәшкән иптәшләре моннан 70 ел элек җәзалап үтерелгән. Шул дата уңаеннан, бүген шагыйрьнең Казан Кремле янында урнашкан һәйкәле янына М. Җәлилне һәм көрәштәшләрен искә алу һәм чәчәкләр салу тантансы була. Митинг көндезге 12 дә башланачак.

Бу хакта бүген Казан шәһәре җитәкчелегенең мэр Илсур Метшин рәислегендә узган “эшлекле дүшәмбе” киңәшмәсендә Башкарма комитетның мәдәният идарәсе җитәкчесе Айгөл Горнышева хәбәр итте.