Казанның өч бистәсендә су бетеп торачак

 (Казан, 22 июнь, “Татар-информ”). 25 июньдә, планлы ремонт эшләре башкару сәбәпле, Казанның Идел буе районында кайбер бистәләрендә су бирүне туктатып тору ниятләнә.

25 июнь иртәнге 9дан алып икенче көнне иртәнге 7гә кадәр Салмачы, Вишневка, Привольный бистәләрендә су белән тәэминат хезмәте күрсәтелми.

Сулы автоцистерналар Гадәттән тыш хәлләр министрлыгында, уку йортларында, шулай ук халыктан килгән мөрәҗәгатьләр нигезендә урнаштырылачак.

“Водоканал” МУП вакытлыча булдырылган уңайсызлыклар өчен халыктан гафу үтенә һәм алдан ук запаска су җыеп куярга киңәш итә, диелә мэрия сайты игъланында.