Казанда юл ремонтлау эшләре дәвам итә

(Казан, 19 июнь, «Татар-информ», Наталья Рыбакова). Бүген Казанның Шуртыгин һәм Фучик урамнарында (Җиңү проспектыннан Зорге урамы участогына кадәр) юл эшләре алып барылу сәбәпле, транспорт хәрәкәте чикләнгән, дип хәбәр итә Казан ЮХИДИ матбугат хезмәте.

Иртәгә Фучик урамына асфальт җәю сәбәпле, транспорт өчен юл ябылачак. Казан ЮХИДИ хезмәткәрләре йөртүчеләргә ремонт эшләре барган урыннарда вакытлыча куелган билгеләргә игътибарлы һәм сак булырга киңәш итә. “Бөке”ләрдә тормас өчен урау юллар буенча йөрергә һәм маршрутны алдан планлаштырырга кирәк.